الماتى قالاسىنىڭ اكىمدىگى بەيبىت جيىندار وتكىزۋگە ارنالعان ورىنداردى وزگەرتۋدى كوزدەپ وتىر. ءتيىستى وزگەرىس جوباسى اشىق نقا پورتالىندا جاريالانعان.
بەيبىت ميتينگ وتكىزۋگە ارنالعان ءتورت ورىننىڭ ەكەۋىنىڭ سىيىمدىلىعى ارتىپ، شەرۋ وتكىزەتىن ورىن تارىلا تۇسپەك. ەندى ميتينگ وتكىزۋشىلەر شيەۆچەنكو كوشەسىندەگى شوقان ءۋاليحانوۆ اتىنداعى گۇلزاردىڭ ورنىنا مامەتوۆا-ابىلاي حان كوشەلەرىنىڭ قيىلىسىنداعى امانگەلدى يمانوۆ اتىنداعى ساياباققا جينالا الادى. شوقان ءۋاليحانوۆ اتىنداعى گۇلزاردا جينالۋعا رۇحسات ەتىلگەن ادام سانى 1000-نان 500-گە كەميدى.
سونىمەن قاتار شوقان ءۋاليحانوۆ گۇلزارىنان ماحاتما گاندي اتىنداعى ساياباققا دەيىنگى بەيبىت شەرۋ ۇيىمداستىرۋعا ارنالعان جەر گاگارين داڭعىلىنان باستاپ جابايەۆ كوشەسىنىڭ بويىمەن مۇقانوۆ كوشەسىنە دەيىنگى جەرگە اۋىستىرىلادى.
ماحاتما گاندي اتىنداعى ساياباق پەن "سارى ارقا" كينوتەاترىنىڭ ارتىنداعى گۇلزار ميتينگ وتكىزۋگە ارنالعان ورىن رەتىندە قالا بەرەدى، تەك "سارى ارقاعا" بۇرىنعىداي 500 ەمەس، 1000 ادام جينالۋعا رۇحسات ەتىلمەك.
بۇل وزگەرىستەردى قالالىق قوعامدىق دامۋ باسقارماسى جيىنداردىڭ كەيبىر اۋماقتار مەن نىسانداردىڭ جۇمىسىنا اسەر ەتەتىندىگىمەن بايلانىستىرادى.
پىكىر قالدىرۋ